琴日到左上海出席摩記記招，整體上可以用亂到九彩黎形容，也可以說是我入行以來，最糟透的一個記招。
場地超熱，人數超多(大部份是一心來睇星的酒店住客，完全唔知點解會放入黎)，安排超混亂，咁都還未止，最爆笑係身為主角的手機，竟然由V9變左V8，唔好玩啦﹖！V8在香港已晨早見街啦！千里迢迢上到黎影部舊機，你想我俾人照肺呼﹖！
講番d星，今次請左最近紅爆的鄭元暢、賀軍翔做嘉賓，還有黃曉明、黃聖依、李小璐及《Sex and the City》中女Kristin Davis，不過全場焦點都落在「趙完唱」(現場好多人都係咁叫，真慘)身上，無他的，事關我見到佢第一個反應，就係「你使唔使咁靚仔呀！」，可想而知佢有幾俊…
4 comments:
唔係講笑，真係型到癲，我都好想在現場，可惜．．．好在你比了幾張相，哈哈！
當你睇埋'惡作劇之吻'後，我諗你會覺得他更型羅，有樣，有身材（超高）．有錢．IQ 200．．．（戲入面），我都係看了那片之後先發現有個甘型的人，當然將他的真身代入了角色之後，即加分！
to U記︰
雖然我都有樣，有身材（超高）．有錢．IQ 200．．．（夢入面），但當你同佢同一部lift,近距離望佢時，靚仔到呢！真係唔夠佢鬥！
另外，放心啦,佢呢家咁紅,遲d實黎香港,到時要見一定見到！
你知啦! 我地D相機邊夠你地手機商來..我諗我那邊的記招也不會請到他來了,唯有寄望你地,到時記得帶埋我去!
to U記︰
放心，若趙完唱黎香港記招，第一時間通知你！
Post a Comment