用鬥地主炸死你！

自從有PSP以後，已很少落機舖打機，除左因為d game無以前咁好玩外，最重要是下下都要買開game卡，好似之前隻mario賽車咁，開左卡先知原來咁「超低能、勁搞笑」，前後玩左唔超過5舖，諗番起都覺肉痛。

不過，最近條打機神經線再被挑起，隻game叫《在線鬥地主》，由台灣EZ Touch製作，唔係咩大作，只是普通的「篤篤機」，而且更是好很貴的$3/舖。不過，若大家落一落機舖，就會見到由學生哥到師奶最近都玩緊呢部機，可想而知受歡迎程度。

所謂鬥地主，其實原理同鋤大D差不多，只是得3個人玩，其中一個係莊，另外兩個就係要夾埋贏佢。成副牌「Joker」最大，跟住2、A、K、Q…咁如此類推。佢好玩在可以將d牌串埋一齊咁出，例如A至K一條蛇，又或者3帶1咁出，之後仲有d「炸彈」、「飛機」、「火箭」既牌法，唔講仲以為係度玩緊《海陸空》棋，仲之變化比鋤 D 大得多。

講番隻game，由於有時間限制，所以比力住副真牌慢慢諗要緊張得多，亦因為如此，唔係話副牌靚就一定贏緊，我試過玩左成晚都係升左一級就知幾有挑戰性。我呢家玩到拖又唔拍，覺又唔訓，成個病態賭徒咁，看來真係要停停手了…XD